ఆంధ్రప్రదేశ్ అటవీ శాఖలో ఫారెస్ట్ బీట్ ఆఫీసర్, అసిస్టెంట్ బీట్ ఆఫీసర్ పోస్టుల భర్తీకి నిర్వహించిన స్క్రీనింగ్ టెస్టు ఫలితాలను ఏపీపీఎస్సీ ఆగస్టు 8న వెల్లడించింది. కమిషన్ వెబ్‌సైట్‌లో ఫలితాలను అందుబాటులో ఉంచింది. స్క్రీనింగ్ పరీక్షకు హాజరైన అభ్యర్థులు తమ ఫలితాలను చూసుకోవచ్చు. ఈ పోస్టుల భర్తీకి జూన్ 16న పరీక్షకు మొత్తం 70,139 మంది అభ్యర్థులు దరఖాస్తు చేసుకోగా.. 45,694 మంది అభ్యర్థులు హాల్‌టికెట్లు డౌన్‌లోడ్ చేసుకున్నారు. వీరిలో 39,123 మంది అభ్యర్థులు పరీక్షకు హాజరయ్యారు. మొత్తం 150 మార్కుల రాతపరీక్షలో బీసీ, ఎస్టీ, ఎస్సీ అభ్యర్థులు మిన‌హా మిగిలిన వ‌ర్గాల‌కు 56.51 మార్కుల‌నే క‌టాఫ్‌గా ఏపీపీఎస్సీ నిర్ణయించింది.
ఫలితాల కోసం క్లిక్ చేయండి ఏపీ అట‌వీశాఖలో ఖాళీగా ఉన్న 330 ఫారెస్ట్ బీట్ ఆఫీసర్(ఎఫ్‌బీవో), 100 అసిస్టెంట్ బీట్ ఆఫీసర్(ఏబీవో) పోస్టుల భర్తీకి ఆంధ్రప్రదేశ్ ప‌బ్లిక్ స‌ర్వీస్ కమిషన్ (ఏపీపీఎస్సీ) ఫిబ్రవరి 12న నోటిఫికేషన్ విడుదల చేసిన సంగతి తెలిసిందే. అభ్యర్థుల నుంచి మార్చి 5 నుంచి 30 వరకు దరఖాస్తుల స్వీకరించింది. అభ్యర్థులకు జూన్ 16న స్క్రీనింగ్ టెస్ట్ నిర్వహించింది. ఆగస్టు 8న స్క్రీనింగ్ టెస్ట్ ఫలితాలను వెల్లడించింది.
